مظفر گڑھ :گھر میں آتشزدگی سے ایک ہی خاندان کے سات افراد جاں بحق

مظفر گڑھ :گھر میں آتشزدگی سے ایک ہی خاندان کے سات افراد جاں بحق

وزیراعلیٰ پنجاب عثمان بزدار نے جانی نقصان پر اظہار تعزیت کیا ، آتشزدگی کی تحقیقات کا حکم دیا۔

مظفر گڑھ میں اتوار کے روز پیر جہانیاں میں ایک گھر میں آگ لگنے سے ایک ہی خاندان کے سات افراد جھلس کر جاں بحق اور چار زخمی ہوگئے۔

زخمیوں کو بعد میں ڈسٹرکٹ ہیڈ کوارٹر ہسپتال منتقل کیا گیا۔

مظفر گڑھ میں ریسکیو حکام نے بتایا کہ مرنے والوں میں چار بچے اور دو خواتین شامل ہیں۔

وزیراعلیٰ پنجاب عثمان بزدار نے واقعے کا نوٹس لیتے ہوئے واقعہ کی تحقیقات کا حکم دے دیا۔

انہوں نے مظفر گڑھ میں آتشزدگی کے باعث قیمتی جانوں کے ضیاع پر افسوس کا اظہار کیا اور ڈیرہ غازی خان کمشنر سے واقعہ کی رپورٹ پیش کرنے کو کہا۔